Польская памежная служба паведаміла пра 810 спробаў незаконнага перасячэння польска-беларускай мяжы ў студзені 2022 года. За папярэднія суткі (21 студзеня) 87 чалавек спрабавалі незаконна перасекчы мяжу Беларусі і Польшчы.
У 2021 годзе польскія памежнікі зафіксавалі амаль 40 тысяч спроб незаконнага перасячэння мяжы з боку Беларусі. З 1 снежня па 1 сакавіка 2022 года ў Польшчы абмежавана знаходжанне паблізу мяжы з Беларуссю. Забарона ахоплівае 115 гарадоў Падляшскага ваяводства і 68 гарадоў Любельскага ваяводства.
Паводле дадзеных на 18 студзеня, у транспартна-лагістычным цэнтры на беларуска-польскай мяжы ў Брузгах застаецца каля 500 мігрантаў з краін Блізкага Усходу. Яны ўсё яшчэ жадаюць патрапіць у Германію і спадзяюцца на адкрыццё гуманітарнага калідора.
За 2021 год у Германію праз тэрыторыю Беларусі і Польшчы прыбылі 11 213 нелегальных мігрантаў, да канца года іх колькасць стала зніжацца. Аб гэтым паведаміла федэральная паліцыя ФРГ. Колькасць мігрантаў пачаў расці летам. У жніўні ў Германію ўехалі 474 нелегальныя мігранты, пасля чаго іх колькасць рэзка ўзрасла — да 2 049 чалавек у верасні. У кастрычніку паток мігрантаў вырас да 5 294 чалавек, да лістапада ён знізіўся да 2 849, у снежні зафіксавалі ўезд 521 нелегальнага мігранта.
