Улады Беларусі ўвялі забарону на ўезд грузавых аўтамабіляў, зарэгістраваных у ЕС. Гэта адказ на санкцыі Еўрапейскага саюза: беларускім і расійскіх грузаперавозчыкам забаранілі ўезд на тэрыторыю саюза ад 15 красавіка. MOST расказвае, што ўключае ў сябе забарона беларускага Міністэрства транспарту.
Забарона на ўезд у Беларусь аўтамабіляў з Еўрасаюза пачала дзейнічаць ноччу 16 красавіка. Яна не будзе прымяняцца да машын, якія ўехалі на тэрыторыю Беларусі да ўвядзення забароны, да 23 красавіка.
Забарона не датычыцца транспартных сродкаў, што перавозяць паштовыя адпраўленні і жывёл.
Аднак ёсць і выключэнні. Беларусь пакінула некалькі памежных пунктаў адкрытымі для ажыццяўлення грузавых аперацый і перачэпкі. Гэтыя зоны знаходзяцца на мяжы з Польшча, Літвой і Латвіяй.
- Казловічы (пункты мытнага афармлення Брэст-Белмытсервіс і Брэст-Белмытсервіс-2);
- Бераставіца (пункт мытнага афармлення Бераставіца-ТЛЦ, зона чакання электроннай чаргі);
- Брузгі, Прывалка, Бераставіца (пункты мытнага афармлення Брузгі-ТЛЦ);
- Брузгі (зона чакання электроннай чаргі);
- Прывалка (пункт мытнага афармлення Гродна-ГАП-2);
- Беняконі (пункт мытнага афармлення Ліда-аўто, зона чакання электроннай чаргі);
- Каменны Лог, Катлоўка (пункт мытнага афармлення Каменны Лог-Белмытсервіс);
- Катлоўка (зона чакання электроннай чаргі);
- Грыгораўшчына (зона чакання электроннай чаргі);
- Урбаны, Відзы (зона чакання электроннай чаргі);
- Грыгораўшчына, Урбаны, Відзы (пункт мытнага афармлення Полацк-Шкловалакно).
