На беларуска-польскай мяжы два дні без прытомнасці ляжыць 16-гадовы еменец. Актывісты просяць польскіх памежнікаў прапусціць мігрантаў, бо беларускія службы адмаўляюцца дапамагаць.
Актывісты Grupa Granica паведамілі, што ў памежнай зоне паміж Беларуссю і Польшчай два дні ляжыць без прытомнасці 16-гадовы грамадзянін Емена. Ён знаходзіцца ў складзе групы еменцаў, якія хочуць перайсці беларуска-польскую мяжу.
Па словах актывістаў, дактары кажуць пра тэрміновую шпіталізацыю падлетка, аднак беларускія памежнікі адмаўляюцца дапамагаюць мігранту. Актывісты заклікаюць польскую памежную службу пусціць еменца на сваю тэрыторыю, каб захаваць яго жыццё.
Tuż pod polską granicą, po stronie białoruskiej, od dwóch dni leży nieprzytomny 16-latek z Jemenu. Lekarze oceniają,że chłopak musi być natychmiast przyjęty do szpitala, ale białoruskie służby odmawiają mu pomocy. Polska może uratować mu życie, wpuszczając go na swoje terytorium. pic.twitter.com/lFMP8sWpgc
— Grupa Granica (@GrupaGranica) April 12, 2022
У сваю чаргу, прэс-служба Straż Graniczna падкрэсліла, што хлопцу медыцынская дапамога не патрэбная. Польскія памежнікі звязаліся з беларускімі, каб тыя дапамаглі групе нелегальных мігрантаў, у якой і быў 16-гадовы хлопец. Па словах прэс-сакратаркі Катажыны Здановіч, усе еменцы змаглі самастойна перамяшчацца, калі да групы прыйшлі беларускія памежнікі, і іх забралі ад мяжы.
Актывісты сцвярджаюць, што беларускія памежнікі прынеслі толькі ваду, а група засталася на беларуска-польскай мяжы, хлопцу па-ранейшаму патрэбна дапамога.
