На польскай дабрачыннай платформе Zrzutka адкрылі збор сродкаў на будаўніцтва ў Гродне касцёла Блажэннай Марыяны Бярнацкай — каталіцкай пакутніцы, расстралянай каля горада.
Ініцыятарам збору пазначаны гродзенскі ксёндз Ежы (Юрый) Марціновіч. На будаўніцтва збіраюць 300 тыс. злотых, з якіх больш за 17 тыс. ужо сабрана.
Касцёл павінен з’явіцца ў мікрараёне Баранавічы-2. Ён будзе аднанефным, даўжынёй 28 метраў, шырынёй 12 метраў і вышынёй 14 метраў. Вышыня вежы складзе 29 метраў. Будаўніцтва пачалося ў 2022 годзе, цяпер вядзецца мантаж даху.
«Гэта вельмі дарагая інвестыцыя, якую мы хочам завяршыць сёлета, каб зберагчы сцены ад разбурэння», — гаворыцца ў абгрунтаванні збору.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
