Дэмакратычная лідарка Святлана Ціханоўская пачала працоўны візіт у Варшаву з сустрэчы з прэм’ер-міністрам Польшчы Дональдам Тускам, паведаміла яе прэс-служба.
Палітыкі абмеркавалі праблемы, з якімі часцей за ўсё сутыкаецца беларуская дыяспара ў Польшчы, а таксама магчымасці пашырэння выдачы віз і сітуацыю на мяжы Польшчы і Беларусі. Акрамя таго, яны ўздымалі пытанні вызвалення журналіста Анджэя Пачобута і ўсіх палітвязняў Беларусі.
Дональд Туск адзначыў, што падчас старшынства Польшчы ў ЕС Беларусь будзе прыярытэтным напрамкам.
«Адбылася вельмі цёплая і плённая сустрэча ў фармаце тэт-а-тэт. Удзячная польскаму ўраду і прэм’еру Туску за трывалую падтрымку беларусаў і паслядоўную пазіцыю ў стаўленні да рэжыму Лукашэнкі. Нашае супрацоўніцтва — гэта не толькі знак салідарнасці, але і ўнёсак у агульную барацьбу за свабоду і дэмакратыю ў рэгіёне», — сказала Святлана Ціханоўская.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
