Цёплае адзенне, ежа і перавязачныя матэрыялы — гэтыя рэчы патрэбныя жыхарам украінскіх Чарнаўцоў. Мэр горада просіць дапамогі ў жыхароў Саколкі ў Падляскім ваяводстве.
Мэр украінскага горада Чарнаўцы Раман Клічук папрасіў тэрміновай дапамогі ў павятовага цэнтра дапамогі ў Саколцы. Улады Саколкі звяртаюцца да жыхароў з просьбай дапамагчы ўкраінскаму гораду.
Можна прынесці звычайную і тэрмабялізну, мясныя кансервы, макароны і ежу для дзяцей, а таксама бінты, дэзінфікуючыя сродкі і шпрыцы. Таксама патрэбныя іголкі, марля, антысептыкі.
Гэта ўсё можна прынесці па наступных адрасах:
- школа ў Саколцы (ul. Mickiewicza 11, parter, sala nr 1)
- павятовае староства (ul. Marsz. J. Piłsudskiego 8, parter)
