З беларускага боку мяжы ўсталявалі плакаты, якія расказваюць пра Польшчу страшныя рэчы: быццам бы тут замест трактароў па палях ездзяць танкі, а ўрад разганяе сілай дэманстрацыі. А што калі б звычайныя палякі маглі паставіць плакаты са свайго боку? Якой яны б хацелі паказаць сваю краіну прыезджым? MOST спытаў у мінакоў на вуліцах Беластока.
«Польшча — адкрытая краіна»
— Я думаю, што [Польшча] гэта адзіная краіна, так бы сказаць па гэты бок мяжы, якая сапраўды адкрыта для ўсіх. І яны не могуць нас абвінаваціць у такіх рэчах.
— І вы б так напісалі? «Польшча — адкрытая краіна»?
— Але мы паважаем саміх сябе.
***
— «Вітаем».
— І гэтага дастаткова?
— Вітаем, і каб толькі яны былі ветлівыя і добра сябе паводзілі.
— Наша краіна вельмі талерантная і міралюбная, аб чым сведчыць той факт, што да нас прыязджаюць турысты з многіх краін, з Францыі, Нарвегіі. У нас тут шмат украінцаў і беларусаў. Я лічу, што мы надзвычай талерантная і мірная краіна.
«Вы ніколі не вернецеся»
— Я б сказала проста: «Прыязджай, правер і паглядзі сам», так? Ацані сам.
***
— У кожнага сваё слова, сваё меркаванне на гэты конт. Я пакуль што, ну… Я не маю кампетэнцыі, скажам так, каб абвінавачваць гэты ўрад. Ну, у кожнага сваё меркаванне, кожны думае па-рознаму.
***
— «Вы ніколі не вернецеся».
— Але чаму?
— У сэнсе, што яны не вярнуцца да сябе.
— Але чаму?
— Чаму? Ну, слоган павінен быў быць адзін, а трактуе яго няхай кожны як хоча.
«Гасціннасць»
— «Забаўляйцеся!»
— Так, «Забаўляйся». Сямейна і традыцыйна.
— «Забаўляйся», бо Польшча гэта краіна забавы?
— У тым ліку. Адкрытая.
— Можа, з больш захаванай культурай, чым астатняя Еўропа. Так мне падаецца.
— Так, але тут файна, спакойна, гэта заахвочвае прыязджаць і пазнаваць краіну. У нас ёсць шмат месцаў, якія можна наведаць, вельмі цікавых.
***
— Асацыіруецца з гасціннасцю, так што… Ну, я думаю, што «гасціннасць» — гэта, напэўна, адзінае слова, якое мне зараз прыходзіць у галаву.
— Такі вялікі плакат, білборд — з адным словам «гасціннасць»?
— Так. Таму што, я думаю, гэта сутнасць нашай нацыі.
***
— Прыгожая і бяспечная. Краіна.
***
— Што там [на плакаце] напісаць?
— Што яна прыгожая, проста.
— Гэтага дастаткова?
— Хопіць, так.
***
— Мяне здзівіла Польшча. Мы толькі што прыехалі на матч «Ягелонія» — «Аякс». І мы вельмі здзіўлены, убачыўшы гэты прыгожы горад.
***
— Ну, напрыклад, я з Украіны і вельмі ўдзячны Польшчы і ўсім палякам за дапамогу. На мяжы з Украінай я б напісаў «Дзякуй, Польшча».
***
— Варта пашыраць свой кругагляд, і Польшча — адзін з добрых выбараў.
«Польшча — самая прыгожая»
— Кожны, хто прыязджае, адчувае сябе вельмі бяспечна. Ну, у нас тут такая атмасфера, што людзі проста добрыя адзін да аднаго, пакуль ніхто не робіць нічога дрэннага. А таксама наша кухня. У нас вельмі добрыя рэстараны. Напрыклад, я быў у Славакіі. Шчыра кажучы, калі ідзеш там паесці, знайсці што-небудзь добрае вельмі складана. Тут, што тычыцца рэстаранаў і ўвогуле любых паслуг, у нас вельмі высокі стандарт. Таму на такую паездку на некалькі дзён, калі хочацца проста добра паесці і добра выспацца, — гэта сапраўды вельмі высокі ўзровень. І цэны не занадта высокія, як, напрыклад, у іншых краінах. Таму я лічу, што менавіта ў гэтых аспектах мы можам прасоўваць сваю краіну.
***
— «Польшча запрашае». Часам гэтага дастаткова, і людзі самі прачытаюць астатняе. Але ўвогуле, я сам бачу, шмат людзей тут часта бывае, сюды прыязджае. Таму я думаю, што ў Польшчы сапраўды ёсць свае перавагі. І часам людзі прыязджаюць самі па сабе.
***
— Які слоган вы б выкарысталі?
— «Польшча — самая прыгожая».
***
— Добрыя, рэгіянальныя стравы, нават у нас на Падляшшы ёсць бабка, вырабы з бульбы, бліны і гэтак далей. Так што… Слоган я не прыдумаю, але я б адназначна рэкамендаваў ежу.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
