Непадалёк ад пункту пропуску на польска-беларускай мяжы «Тэрэспаль» беларус перакуліўся на машыне. Аб гэтым паведамляе Slowo Podlasia.
23-гадовы беларус заснуў за рулём і трапіў у аварыю непадалёк ад памежнага перахода польска-беларускай мяжы. Мужчына трапіў у бальніцу з траўмамі.
Супрацоўніца паліцыі Бялай Падляскі Барбара Сальчыньска-Пырхля ўдакладніла, што мужчына з’ехаў на правую ўзбочыну ад дарогі і перакуліўся ў канаву. Беларус быў цвярозы, хутчэй за ўсё, ён заснуў за рулём. Інцыдэнт адбыўся яшчэ 23 ліпеня.
