У памежным пераходзе ў Баброўніках зноў з’явіліся чэргі грузавікоў. MOST даведаўся, чаму на польска-беларускай мяжы кіроўцы фур чакаюць суткі, каб прайсці мяжу.
Кіроўцы грузавых аўтамабіляў чакаюць у чэргах у Баброўніках рэгістрацыю на выезд з Польшчы ў Беларусь амаль суткі.
Раніцай у панядзелак, 23 мая, у чэргах стаяла больш за 400 грузавікоў.
Як паведамляе Radio Białystok са спасылкай на падатковую службу Падляскага ваяводства, новыя чэргі ў Баброўніках утварыліся праз еўрапейскія санкцыі супраць Беларусі і Расіі.
Чэргі грузавікоў спыніліся некалькі тыдняў таму. Першапачаткова яны ўтварыліся з-за эмбарга ЕС на тавары, якія могуць быць выкарыстаныя ў ваенных дзеяннях Расіі супраць Украіны. Ад 16 красавіка 2022 года ўвялі забарону на аўтамабільныя перавозкі ўнутры ЕС перавозчыкамі з Расіі і Беларусі.
