Улады Беластока звярнуліся з лістом да прэм’ера Польшчы Матэвуша Маравецкага з нагоды ўрокаў беларускай мовы для дзяцей грамадзян Беларусі, якія пасля падзей 2020 года былі вымушаныя з’ехаць з краіны. Пра гэта пішуць Gazeta Wyborcza і іншыя выданні. Сюжэт пра гэта таксама паказалі ў эфіры тэлеканала TVN24, паведамляе Reform.by.
Кіраўніцтва горада просіць прэм’ера дапамагчы вырашыць прававы казус. Згодна з польскім заканадаўствам, у краіне дазволена выкладанне моў нацыянальных меншасцей. Заняткі для этнічных беларусаў, як грамадзян Польшчы, так і Беларусі, праводзіліся летась на базе беластоцкай пачатковай школы №4. Аднак па выніках праверкі ўладам горада загадалі вярнуць каля 140 тыс. злотых субвенцый, бо фармальна права вывучаць беларускую мову з дзяржфінансаваннем маюць грамадзяне Польшчы, але не прадстаўнікі дыяспары.
Пытанне аб сумесным навучанні беларусаў Падляшша тых, хто прыехаў з Беларусі, узнялі прадстаўнікі беларускай меншасці на сустрэчы з гарадскімі ўладамі.
У лісце прэм’еру намеснік прэзідэнта Беластока Рафал Рудніцкі просіць вырашыць дадзены казус і прапанаваць рашэнне, якім мог б скарыстацца гарадскі ўрад, бо бягучыя нормы не ўлічваюць існыя абставіны, а таксама вылучыць гораду сродкі на навучанне беларускіх дзяцей, каб словы «Польшча — гэта адкрыты дом для ўсіх беларусаў, якія маюць патрэбу ў дапамозе» сталі яшчэ больш рэальнымі.
Чытайце таксама:
Беларускі садок №14 знаходзіцца ў Беластоку, ён працуе з 1995 года. Беларуская мова там — не дадатковая мова выкладання, а...
Чытаць далейDetails
Национальная прокуратура Польши идентифицировала россиянина, создавшего в Польше шпионско-диверсионную сеть. Это 28-летний Михаил Миргородский. В длинном списке преступлений, с которым...
Чытаць далейDetails
В Польше ужесточают подход к договорам между работником и нанимателем. С 2026 года инспекторы труда смогут самостоятельно переквалифицировать B2B-контракты и...
Чытаць далейDetails
